حبي ليك .... بقلم أ / سحر جمال لبيب

بقلم / سحر جمال حبيب

 

حبي ليك مش شويـــة
م خطرش يوم على بال إنسان
...

حب إتخلق ليك و ليــــة
بلاش يشوف جوانا أحـــزان

حب م يعرفش غير الحب
عايز يعيش في أمـــــان
عمره م عرف خداع ولا كدب
ده حـب إتولد ساعة آدان

أستنىَ قلبك ليالي طوال
بلهفة و شوق و قلب فرحان
أول م تيجي تشوفك عيني
يدق قلبي و يرقص كمان

أنا ليّة مين غير قلبك
هو اللي معايا سهـــــران
عمرى م اتمنيت غير حبك
يعوضني عن مر الزمــــان

نظرة عينك تساوي الدنيا
وضحكة شفايفك أجمل الحان
يسمعها قلبي يرقص عليها
ولا يوصفها ميت فنــــــــــان

تعالىَ عيش فـــ جنة حبى
نعيش مع بعض أجمل حكاية
عايزاك يــ حبيبي دايما جنبي
نعيش فــ حُب ملهوش نهاية