اناديكي بأيه ... بقلم الشاعر / طارق فوزي

بقلم / طارق فوزي

 

أقول حبيبتي شوية عليكي
شوية على عنيكي الحلوين
أقول روحي اللي تدوب فيكي
ولا يا عيوني السهرانين
احترت والله بأيه أناديكي
احتار فؤادي ونن العين
********
حبيبتي أقولهالك لما
القلب معاكي يتهنا
وروحي أقولها ليكي
لما روحي تنادي عليكي
وأقولك يا عيوني
لما عيونك بيسحروني
******
محتار يا قلبي ليه
كل الأسامي لايقة عليه
هو الروح هو الحبيب
هو اللي الجرح منه يطيب
هو العيون هو الفؤاد
واللي عمره ما خلف ميعاد
خلاص يا قلبي بلاش تحتار
وسيبه هو اللي يختار