قلبي عشانك ... بقلم الشاعرة / سميرة الأسريجي

بقلم / سميرة الأسريجي

 عندك حق مش راحه الومك
ولاعلى هجرك ولالجنونك
وعمرى ماهزعل منك حتى
لو شلتنى من جوه عيونك
...

هاتبعد ابعد برضوا هاصونك
وهافضل عايشه بذكرى حنانك
ومهما هاتعمل مش راحه الومك
وراضيه اكون مجرد ذكرى فى صفحة يومك
وعندك حق وبردوا انا ليا عاندك حق
بس انا حقى معاك مش ضايع
واوعى تقول طيب ايه المانع
اصل اللى يحب مايكرهش
يبعد يمكن يهرب يمكن
بس ضرورى يفضل فاكر
قلب لحبه عمره مابعش
وانا مش هانسى
عمرى ماهنسى لمسة ايدك
عمرى ما هانسى نظرة عينك
ولا اشوقنا مابينى وبينك
وهافضل فاكره ومش هانساك
ولاهاتعشم واستناك
ولا يوم هاجى واترجاك
ولا يوم هارجع اترجاك
بس سامحنى لما اتابع كل خطاك
علشان بس اطمن قلبى
على ذكرى سبتها جواك
وعلى حبك انا مش ندمانه
ولا حتى على ذكرى لآقانا
علشان قلبى لما اختارك
اعلن حربه على عصيانك
وقرر انه يعيش علشانك