بحبك موت ... بقلم أ / جيهان فتحي

بقلم / جيهان فتحي

 

بحبك موت يا نورعيني
...

يا شمسي ونجمي وحنيني
يا بحر شوق مالوش آخر
وأنا ملهوف على الآخر
أضم الحلم ف عيونك
وارسم هواك على جبيني
بحبك موت


بحبك موت يا ورد وفل
شجر طارح ف قلبي يطل
تزرعني مرة ياسمينة
ومرة حلم ف جنينة
وأنا بستنى يوم ما أكون
بالفستان وطرحتي طل
بحبك موت


بحبك موت أنا يا غالي
وقربك حلم يحلالي
أكون حلك وتحلالك
ونسمة تعدي بخيالي
ياشوق على شوق جوة وريد
عشقك زرعته ف هلالي
بحبك موت


بحبك موت وأموت أنا فيك
وأقول للكون هعاند فيك
يا ضي لمحته على بابي
جايبلي نجومه خدامي
مهما انشق قلبي أنا شق
تدبحني وتسرقني .. تدندني
نظرة رضا ف عنيك
بحبك موت


بحبك موت وأموت ف الموت
وبحر الشوك فيه راح افوت
ده حبك زرعته حنية ..
مهدهدة ومراضية ..
ده ه حبيبي عاشق بلطية ..
الشوق ف عينها ملاغية ..
هصرخ أنا وبعلو الصوت ..
بحبك موت ..