ها يتحرر .... بقلم أ / ضحى جبر

بقلم / ضحى جبر

 

ولسه العمر مستنى
" هايتحرر"
عشان يخلق من الاعزار
...

حنين تانى
خلاص بقيت ماليش عازا
وكل الكون مخاصمنى
وانا أكمنى ماليش اقدار
عشان احلم
سنين العمر طاويتها
يومين قدام
وخلتها تعيش بيا
تدوب فيا
تدوق المر حواليا
انا اللى الحزن مش دارى عشان يسكن
ويصبح بيت كيان عالى من الاحزان
وانا اللى فضلت اتمنى عشان احلم
بدون احلام
وانا اللى كسرت الماضى مع الايام
بتوب اسمر
وشاف حاضر يعيش بكرة مع الاوهام
خلاص هسكت مادام قلبى بقى ميعادى
قلوب تانى
خلاص هابعد مادام الكدب من تانى
مالوش تانى وفى الاخر مالوش اخر
عشان يحس من تانى
يفوت ضلى بكام خطوة
ويزرع ف الطريق شوكه
توقعنى خيوط الكدب من الاول
وهاعدى...عشان يوصل
خطاوى العمر العاجز
الاقى الشيبة بتكون ملامح عجز
بتسجن قلبى الشايب بدون قضبان
سلاسل ايدى بتقيد عيونى البكر
عشان العمر يحسبها سنين قدام
ويخطف من الحنين لحظة يعيشها بصبر
ويرسم على الطريق قلبى هايتحرر