اللى باحسه بقلم : وفاء أحمد

بتسالنى اللى باحسه تجاهك ايه؟
ده انا مهما حاولت اوصف فيه
مش هلاقى كلام يكفيه

ده شىء اكتر من الحب و اكتر من الشوق
لانى حتى فى وجودك باشتاق
و اكتر من اللهفة و اكتر من الالفة
اللى اعرفه انى معاك مش خايفه
و اكتر من مجرد فرحه بسماع صوتك
لان انا حتى باعشقك وقت سكاتك
و اكتر من اى كلام عشاق يتقال
و اجمل من منظر التلج فوق الجبال
و اكبر من انى اوصفه فى احساس
و اكتر من اى مشاعر اتجمعت جوه الناس
اجمل من اوصاف الشاعر للمحبوب
و اكتر من انه وعد و على الجبين مكتوب
اللى فى قلبى لك روح وكيان
اتجسدوا فى مخلوق رقيق و برىء
و تحسه بيفرح من ابسط شىء
عايش بوجودك و دايما بيشوفك
حتى لو كنت عايش جواه طيف
و حتى لو بس خطر فى خيالك
و زاره جمالك زى الضيف
اللى اعرفه انه عايش بيك و ليك
و مهما كنت و مهما عملت
بيحبك و بيموت فيك

وفاء