صوت الاوجاع بقلم : سميره الاسريجى
كل يوم بيعدى علينا لو حبينا او اتحبينابردو بنتعلم فيه حاجه
نقدر نفهم بيها بعضنا او يمكن نفهم نفسينا
بس ياريتنا نعيش فى الدنيا من غير مانغير اسامينا
يعنى الصادق يفضل صادق والكداب مايكون وسطينا
يعنى الصالح يفضل صالح ومايمنش بصلاحه علينا
يعنى اخويا يفضل اخويا وتفضل ايده ممدوده لينا
يعنى احبابنا يكونوا احبابنا لايبيعوا ولا يشترو فينا
وكل يوم نتعلم حاجه والدرس الجاى هيقوينا
احنا بنغلط ايوه بنغلط بس هانتعلم وهانثبت
ولو الدنيا هاتحنى ظهورنا راح نفردها
واللى مايكسرنا يقوينا
طول ماهو رب الكون موجود وطول ماالتوبه ماليها حدود
طول ماهانفضل فاكرين عدله
وفاكرين ان علينا حقوق زى مالينا فى ارضه حقوق
هانعيش يومنا حتى ان كان قلبنا موجوع
علشان ربى كريم وبعدله خلى وجعنا مش مسموع
-----------------------------
سميره الاسريجى
(ماما نونه)
كلام مظبوط وبجد جميل تسلم ايدك يا اجمل ماما نونه
ردحذف