الموت فوق القضبان
بقلم / محمد توفيق
------------------------
لملم كراريسك ياتاريخ
انتهت الحصه وخلصنا
لموا الكراريس
اسماء واخوها وجيرانها
قاعدين بيذاكروا فى دروسهم
جوا الاتوبيس
ببراءة اطفالنا بتحلم
ولا تعرف ان العالم غول
مليانه قصصه بالكوابيس
احلامهم كانت ورديه
كانت احلامهم طفوليه
مفيهاش لا ضرب ولا مجازر
ذى احلام البشريه
احلامهم مفيهاش اهمال
احلام متواضعه وبسيطه
ذى احلام اى انسان
مكانوش عارفين ان احلامهم
رسموها فوق القبضان
لملم كراريسك ياتاريخ
انتهت الحصه وخلصنا
لموا الكراريس
--------------------.
اولادنا ورايحه تتعلم
لكن احنا يابلدى مبنتعلمش
ان قوتنا فى وحدتنا
وللظالم احنا منسلمش
اولادنا بموتهم عرونا
اولادنا بموتهم فضحونا
بحجارة الاهمال رجمونا
اذاى جبتونا وسيبتونا
لا مبادىء نتعلم منكم
وفى حضن الذل رميتونا
اذاى فى لحظه نسيتونا
ياطفالنا ياأعز اولادنا
ياريتهم كانوا دهسونا
وفوق القضبان ياولادنا
كانوا سحلونا
ولا اشوف كرارسكم متعاصه
وبتدفق دم
ولملم كراريسك ياتاريخ
انتهت الحصه وخلصنا
لموا الكراريس
----------------------.
اقف ياتاريخ
اقف ياتاريخ
الحصه لسه شغاله سيب الكراريس
واكتب على هامش الصفحه
هنا مات اطفال
كان اقصى امالهم يابلدنا
يبقوا ثوار
بيحاربوا كل الرجعيه
بيحاربوا كل الدراويش
اللى بيتاجروا بالدين
واللى معظمهم يابلدنا
قتله فاشلين
قتلوا اولادنا اللى فى غزه
وفى مصر نسونا العزه
اكتب ياتاريخ
فى منفلوط
مركز اسيوط
هنا مات الورد
وكان واقف اخضر على العود
اكتب ياتاريخ
هنا مات اطفال
وقلمى ولا يوم هيموت
وهيكتب حتى يتاخد لولادنا التار
اكتب ياتاريخ
اكتب ياتاريخ
___________________________
ليست هناك تعليقات