صعب جدا ... بقلم أ / سميرة الأسريجي

بقلم / سميرة الأسريجي

 

صعب جدا
تبقى كاره كل حاجه
حتى اللى خارجه منك
تبقى كاره شمس يومك
تبقى كاره حتى ظلك
...

تبقى كاره ضحكتك كاره ظنونك
كل حاجه جوه منك
تكرهك وتلوم سكوتك
تبقى مش عارف شروقك من غروبك
تبقى سامع صوت الآمك بين ضلوعك
تبقى متحير وخايف تبقى اعمى وانت شايف
والكلام يطلع ممرر مر صبر من الشفايف
وكل حاجه تضيع كدا من بين اديك
تبقى مش لاقى ابتسامك ولاحتى دموع عنيك
صعب جدا
صعب جدا تبقى عايش بين جروحك
وانت مش عارف تلملم ضعف روحك
تبقى عايش جوه ليلك تبقى رافض نور صباحك
تبقى متعود انينك تبقى سامع صوت جراحك
وان شعاع الفرح زارك تبعد انت لايطفى نارك
تبقى خايف من شروقك من نهارك
تبقى مستطعم مرارك
صعب جدا ان قلبك يهجرك
وباردتك وبقرارك
صعب جدا