أسير .. بقلم الشاعر م بهاء بدوي

بقلم / بهاء بدوي

 

مين اللي قال السجن
قضبان وسور وزنزانة
...

دا الدنيا سجن كبير
أرواحنا فيها حيرانة

متشعبطين في حبالها
وحبالها دايبة وهلكانة

ونجري جري الوحوش
على جيفة وعفانة

سراب ووهم يادنيـا
وطبل وزمر مع زينة

والحبس جوا نفوسنا
خلاّ القلوب حزنانة

يارب إحنا عبيـدك
والشكوى لغيرك مهانة

فك قيود أسرنا
وخليك تماللي ويانة

وانصرنا على نفسنا
وإروي قلوب عطشانة

وإكفينا شر حسـود
عيونة عيانــة ..

وصلي ع المصطفى
شفيعنا ونبينــا ..