ضاع الأمان ... بقلم الشاعرة / عزة فراج

بقلم / عزة فراج

 

ضاااع الآمان
اطعن قوى يا زمان
وهات معاك سجان
يسجن قلوبنا كمان
ما أنت مالكش أمان
...

ابني الشهيد زعلاااان
مش ع اللي راح ولا كان
علي انه كان انسان
وقال بلاش يا جبان
ولا خاف من الطُغيان
صوت الشيطان بيقول
ضَييع حقوق مَظلوم
دَمر مكان ما تكون
اقلع جذور الخير
ارميها وانسي الغير
دوسها كمان وكمان
خليك يا صاحبي جبان
اخرب وهِد الكون
اديني فرصة أكون
عنكم أنا المسؤل
اصحي بقي يا انسان
ليه تكون حَليف شَيطان
ياخدك لجمر النار
هتكون معاه محتار
تايه حَزين حيرااان