حبيبتي يا يمه .. بقلم / محمد السعافين العتيبي

بقلم / محمد السعافين العتيبي

 

  تكفين يا يمه أنا أحبك حيل
سامحيني واقبلي مني الهدية

2_ خذين قلبي وكليتي وعمري الطويل
وشلون الشمس تشرق وأنا بجرحك بلية

3_ حطين يدك على راسي جرحي يسيل
يا يمه بحضنك أصب دموع سخيه

4_ناظريني قبليني واشفي قلبي العليل
أنا وحيدة فبعدك ترى الدنيا قسية

5_حنان وعطف ورحمة وحب جميل
قلبك أبحر وأنهار وأشجار زهية

6_أطلب عفوك ورضاك وتبجيلي قليل
ارحميني يا يمه أنا لروحك فديه

7 يوم تعبتــــــي وأنا بقربــــــــك أميل
لا تتعبين أنا بدونك مالي هويه

8_ بوقت الظهيرة وأنا في ظلٍ ظليل
صوتي بجنبك الكون يسمع دوية

9_يصرخ الريح والرعد والخيل
و يبكي الغيث وأنا بوسطه غشيه

10_مادريت أنا حي ولا ميت ذليل
يا رب أنا مالي لغيرك رجية

11_عشرةأيام لا شفت نهار ولا ليل
أقوم وأقعد وأسرح وأعاود خليه

12_ وقبل لا تطلع الروح لرب جليل
جلست بجنبها أسمع حروف نديه

13 _ جيت أسجل صوتها قبل الرحيل
قمت أطوله فقدته ونسيته نسيه

14_ طار عقلي وارتميت مثل القتيل
سمعت همسها فدو.. فدو.. فديه

15_ قمت و اثرها تبتسم لي وتميل
قلت لبيه يا يمه وقبلت يدها الطريه

16_يايمه هذا خاتمي لحياتك دليل
خاتم العزة و الكرامة أغلى وصية

17_عجزت يا يمه أشكرك شكر جزيل
ربيتي وعلمتي وسهرتي وماني وفيه

18_لا يبنيتي وفيتي وقلبك لهمي يشيل
وداعة الله صلاتك وأبوك انتي رضيه