بحبك يا بلدي ,,, بقلم الشاعرة / منال عفيفي

بقلم / منال عفيفي

 

بحبك يابلدى ..عفيَّة وقويَّة
وزهرة نديَّة.. بتنشر حنان

...

بحبك فى نيلك
ف نجمة ..ف ليلك
فى أرضك .. فى زرعك
فى طرح الغيطان

بحبك فى ضلِّك
فى شمسك .. فى حرِّك
فى لمِّة حبايبك
بعد الآذان

بحبك فى فَرحك
فى حزنك .. ف غضبك
فى حضنك لابنك
يحس بأمان

بحبك فى همسك
فى حرفك ..فى رسمك
فى ورقة ف تاريخك
كتبها الزمان

بحبك فى عيدك
فى صرخة وليدك
فى دم لشهيدك
سال فى الميدان

بحبك فى طفلك
ف وقفة لشابك
كتب لك بحبك
أعلى جدران

بحبك فى فنك
فى شعرك ..فى نحتك
فى لوحة ..بإسمك
رسمها فنان

بحبك يابلدى
ياضهرى ياسندى
ياأرض الكرامة
ياأغلى أوطان