بنات الليل كلمات /عبد الناصر رجب
بنات الليل فى حضن الليل بتبكى دم
ولحم رخيص فى قلب هويس بيفرم فرم
عشان مالقوش يعدو الشط ويتحنو بحنان منحط
عشان إحنا اللى سيبناهم يضيعو فى الكلام واللغط
ياناااااااس إصحو بنات بتضيع عشان لقمه بتقلع ملط
كلام يمكن يكون يوجع عشان إحنا اللى فى المدفع
وسيبنالهم شيطان ملعون بيخرم فى الأساس مطمع
-------
فى إيدنا نحل مشاكلهم نقول مالنا
نوفر ليهم المأمن نقول حالنا
بلاش أعذار ده بكره النار هتحملنا
بنات عاوزين حنان أكتر مع التوجيه يكون مثمر
عشان هما اللى مراسينا وضحكه فى العيون تبهر
يا أمى وبنتى وخالاتى ياعمى وسيدى يااخواتى
غصون الورد عطشانه وزهره جوه دبلانه
علامها كان مليش دعوه ده قلبى ضعيف وخجلانه
تقول للأم مشاكلها ترد الأم آه يانه
لمين تحكى وتشكى الهم وفين ترمى الحصى والغم
عشان خاطرى نلاقيهم وبكل الحب نديهم
عشان بكره يكون ليهم وننسى إن كان فى هم
ليست هناك تعليقات