بين قضبان ... بقلم الشاعرة / سحر جمال حبيب

 

بقلم / سحر جمال 

مسجون بين قضبان
سجني يا ناس جوايا
...

كبرت أنا قبل الاوان
و انا فــ عز صبايـــــا

اضحك والدمع فـ عيني
و اداري قسوة سنيني
م الدنيا و من الايام
ده مراري بــــ يكويني

شوفت كتير احزان
مزروعة فـ شجرة حياتي
و دِبلت ورقة ورقة
بــ آآه .. من اهــــاتي

لو العمر بيتحسب
بــ الحزن و بـ الانين
يبقى أنا كدا يا دنيا
ميت بقالي سنين

عشت مسجون بجراحي
زنزانتي من الآلـــــــم
و ياما صالحت الحياة
كان بنا معاهدة سلام

لــكن .. حَكّم القاضي
و رضيت أنـا بـــ الاحكام
عشت حزين مجروح
ونهاية ..حُكمي الاعدام