لوعة قلم ... بقلم الشاعر / حلمي قاسم

بقلم / حلمي قاسم

 

علــــى طرف سن القلم
الحرف بيعافر
عايز يقــــــــــولك كلام
و بينسى مش فاكر
عايز يقولك بحبك
بس مش قـــــــــــــــادر
وازاى يقولك بحبك؟!
والحب مش عابر
---------------
الحب مش بالكـــــــــــلام
الحب صدق المشاعر
وحبى كان لك زمان
فارقنى راح هاجر
حتى القلم موجوع
من ظلمك الــــــــــــواعر
---------
خلـــــــــى القلم يكتب
عن ظلمك السافر
سيبى القلم يشكـــــى
من زمنك الحاضر
يحزن كمان يبكـــــــى
على ماضى كان عامر
خلى الحروف تنزل
تحكــــى عن الـــ صاير