ضي عنيه

بقلم / سميرة الأسرجي

 

الراجل ده جننى
سارق قلبى منىى
عايش فى العين والننى
...

والقلب بحبه داب
ودقته ع الباب
بتطير عقلى منى
اجرى عليه وافتحله
قلبى عاشقه ومرتاحله
وان مره واحده خاصمنى
اجرى عليه واصالحه
وحتى لو زعلنى
قلبى قوام بيسامحه
فيه طيبه مش عاديه
كله دفى وحنيه
شايلنى جوه عيونه
وكمان بيغير عليا
مدفينى بحنانه
متونس قلبى بيه
وهو متونس بيا
يارب ياكريم
احميه وخليه ليا
هو صحيح جننى
لاكنه ضى عنيه