حد يقولى .... بقلم الشاعر / عزيز موسى
بقلم / عزيز موسى
فين ريحه مصر
فين ضل نخيلها
...
فين ريحه مصر
فين ضل نخيلها
...
وضحكة نيلها
فين أهاليها
وفين أغانيها
وفين متغرب
راسم حلمه وناوى يجيلها
فين ريحه مصر
فين اللى استنت
صبرت وأتمنت
ف يناير غنت
أناشيدها ومواويلها
فين ريحه مصر
البنت اللى أبتسامتها
قالولى عليها زمان
وأنها مذكورة فى القرآن
الارض اللى بتبنى الانسان
وبتزرع فينا الايمان
ومابتسألش
ان كان
ده أذان
أو ترانيم أنجيلها
فين ريحه مصر
فين ضل نخيلها
وضحكة نيلها
فين اليأس اللى ماشفهاش
بيعدى الظلم
ميغلبهاش
وان كان عاش
أوقات ف وشوش أولادها
بيمر كأنه
لافات ولا عاش
وأن مالت يوم
ربك يعدلها
فين ريحه مصر
ف بكرة الجاى وبنستناه
ف الحلم
اللى بتزرعه فينا وترعاه
وتاريخ الدنيا على جبينها بيتسطر
وبتقراه
والضىّ
اللى الكون ماشى وراه
ف بداية التكوين
كان قنديلها
فين ضحكه نيلها
وضل نخيلها
فين ريحه مصر
عزيزموسى
ليست هناك تعليقات