الطريق ...... بقلم أ / علي فرج

 

بقلم / علي فرج...

معرفشي ليه تاه الطريق !!
معرفشي فين غاب الصديق !!
مش باقي غير سكة طويلة ضلمة وضيّقة
بتودي للبحر الغريق ،
حاسس بحاجة غريبة ماليه دنيتي
وكابوس ثقيييييييل . خانق كلامي وصرختي
حاسس .بضيييييق
من قبل ماوصَل حتي للبحر الغميق
حاسس باني بقيت غريق !!!!
معرفشي فين راح الامل ،،
مع انه كان ويّايا ف بداية الطريق !!
خايف تكون كترة ذنوب ،،
خايف اكون ماعرفت اتوب ،،
خايف تكون نفسي غويتني ،،
او ضللتني بالزيف والبريق !!
،،،،،،،،،،،،
خليني اتوضا واصلي ركعتين وسط الطريق ،
والجأ لرب العالمين ،،،، اوفى صديق !!
ياااارب ،، ياهادي البشر ،،
يامن بُفرّجُ كل همّ وكل ضيق ،،
ادعوك تنورلي الطريق ،،
وتزيل همومي اللي بقت قد الحبال ،،
وللهداية ترُدّني علشان افيق ،،
لو كنت باحلم ،،
تبقى رحمة ونور لروحي ،
وان كنت صاحي ،،
تبقى اجمل خطوة ف بداية الطريق .......