بدر منور ..... بقلم أ / ابراهيم الغنيمي

 

بقلم / ابراهيم الغنيمي

 

ليه شافتك عينيا -------------------- ليه لقيتك في طريقي
ما كان بيا ولا...عليا ----------------- ولا العشق كان صديقي
من يوم ما عنييا لمحتك ----------------- قلبي أتعلق بيكي
دا جمالك والله ورقتك ----------------- خلوني بسأل عليكي
وكل نسمة بتعدي ---------------------- معاها سلام اليكي
بتقولك عليا هدي ----------------- وحبيبك قاعد مستنيكي
وحشته عيونك الحلوة ------------ ووحشته كمان خطوايكي
يا بدر منور يا غنوة ----------------- مشتاق للمسة ايديكي
نفسي اتكلم واحكي ------ نفسي اقولك علي اللي فيكي
دا البعد خلاني أتألم ----------------- وأشواقي رايحة اليكي
اغلطي مرة وابقي اسألي ----------- ويمكن أصعب عليكي
وبلاش عليا تتقلي --------------- ولا علشان حلوة عينيكي