وقت الغروب ..... بقلم أ / إبراهيم الغنيمي

 

بقلم / إبراهيم الغنيمي

 

خطرتي علي بالي فجأة ------- افتكرت كل الحكايات
فراقنا كان قاسي وصدمة----- رغم الظروف والتحديات
فاكر أول لقاء بينا ------------- وفاكر احلامنا والأمنيات
علي البحر كان ميعادنا ---------- علي رمل البلاجات
ناسين الوقت كله -------- وماشيين مسافات كيلوات
وايدي في ايديكي ماسكة --------- بتقول للزمن الأت
اياك تنوي علي فراقنا ---------- وكفانا مرارة اللي فات
وخلينا نعيشوا أيامنا ---------- ياما شوفنا كتير حالات
يا بحر شاهد علينا --------------- وموجك في تقلبات
الموجة بتسابق الموجة ------- وبيقولوا عننا حكايات
والشمس بتغرب وشايفة ------- مصيرنا بقي ذكريات
يا حلم ضاع وأنتهي ---------------- وقتل فينا حاجات
يا قلب يا عايش لها ----------- ما خلاص حبيبك مات
ويا عين جفي دمعك ---------- وكفاكي حزن ونواحات
الغالي رحل الدنيا -------------- وتركني في المتاهات