فراق ولوعة

 

بقلم / ابراهيم الغنيمي

 

خطرتي علي بالي فجأة--- افتكرت القصص والحكايات
فراقنا كان قاسي وصدمة...----- رغم الظروف والتحديات
فاكر أول لقاء بينا ------------ وفاكرة احلامنا والأمنيات
علي البحر كان ميعادنا ---------- علي رمل البلاجات
ناسين الوقت كله -------- وماشيين مسافات كيلوات
فراقنا كان قاسي وصدمة ---- رغم الظروف والتحديات
وايدي في ايديكي ماسكة -------- بتقول للزمن الأت
اياك تنوي علي فراقنا --------- وكفانا مرارة اللي فات
وخلينا نعيشوا أيامنا ----------- ولا كتير علينا اللذات
يا بحر شاهد علينا -------------- وموجك في تقلبات
الموجة بتسابق الموجة ------ وبيقولوا عننا حكايات
والشمس بتغرب وشايفة ------ مصيرنا بقي ذكريات
يا حلم ضاع وأنتهي -------------- وقتل فينا حاجات
يا قلب يا عايش لها ---------- ما خلاص حبيبك مات
ويا عين جفي دمعك --------- وكفاكي حزن ونواحات
الغالي رحل الدنيا ------------ وتركني في المتاهات