آدي نهاية الصبر ....... بقلم الكاتب الصغير / طه عبد الحميد

 بقلم / طه علي عبدالحميد
...

إسمع مني الحكاية وقول إيه رأيك فيها
حكاية راجل بسيط ليك راح أحكيها
راجل بسيط على قد حاله
كان بيحلم بيوم يعيش على حس عياله
وعشان حلمه ده إتصلح يا ناس حاله
كان طالع النخله رايد شوية بلح
إتهزت النخله وقالت إنزل يا نور العين
قبلك محدش معايا فلح
ومش راح تاخد مني ولا حتى نوى البلح
ورمته على الأرض وقع على ضهره
وضاقت بيه الأرض وقال أنا اللي كنت عايشها بالطول والعرض
ترميني من فوقك شكراً على ذوقك
أنا كنت جاي رايد شوية بلح أبدأ بيهم حياتي
وأحقق حلم قلبي ليه إنشرح
حلم هيملى حياتي سعادة وفرح
حلم إني يكوني لي زوجه وعيال
أعيش على حسهم وأطوف بالبلح يمين وشمال
ونويت أتغير من كسلان وعاطل
إني ليل ونهار هكون شغال
لأجل ما يتعدَّل معايا الحال
وأحقق حلمي وهتحدى عشانه أي صعب ومحال
وزي ما قلت ليل ونهار شغال حد ما يتعدَّل معايا الحال
ويكون لي زوجه وعال أحفظهم وأرعاهم
وأرجع من الشغل أبقى أسعد مخلوق
لما أفتح الباب قاعدين مستنين
راجل بسيط على قد حاله
كان بيحلم يعيش على حس عياله
والدنيا دايماً بالعذاب رامياله
ومحدش سايبه في حاله
حتى أنتي يا نخله عايزه تضيعي حلمه
وتخليه يفضل على نفس حاله
لكنه قال لا دا مستحيل أستسلم مستحيل
مش ساكت ولازم آخد بلح وهاصبر دا الصبر جميل
وقام يحاول يطلع النخله تاني وكان ناوي يحاول لآخر يوم في عمره
عشان يحقق حلمه ويعيش سعيد طول عمره
وطلع النخله تاني فأتهزت النخله ورمته فقال آااااه
قالتله ما تتألمش وأسمعني للأخر وما تتكلمش
حكايتك هيا اللي هزتني مش أنا اللي إتهزيت
كتير قبلك جاني يموتني وبحلمك جيت إنتا حييتني
وياما سمعت حكايات كانت كلها تفاهات
خلت قلبي مات محدش بقى عنده صبر
كله عايزها تجيله حده ويشبع وهوا نايم هَبْر
إنتا حلمك جميل بس أنا مش نخلة بلح أنا نخلة الصبر
وانتا قلت أنا صابر لحد ما أدخل القبر
ومش هكون زي اللي عايزين النهب والهَبْر
اللي ما جاني حد منهم موتني بس بحلمك وصبرك حييتني
هاطرحلك بلحه تاكلها وهيا بلحة الصبر
وغسعى ورا حلمك ونوَّر حياتك بالصبر
هتكون سعيد في الدنيا وصبرك هينورلك القبر
كَل البلحه وقام ينفذ للنخله الكلام
ومرت سنين وأيام صعبه عليه لكنه صابر
لحد ما اتحققت كل الأحلام
وعاش أسعد أيام
خير وسعاده ولما مات
الكل دعاله بالجنه والسلام
والكل كان يفتكرحكايته حكاية
راجل بسيط على قد حاله
كان بيحلم بيوم يعيش علي حس عياله
إتحقق له حلمه وكل آماله
وبندعيله بالجنه ربنا ينولهاله