سلامات .. ياعرب .. ...بقلم : بهاء الدين بدوي

سلامات .. ياعرب ..
---------------------

ياميت خسارة ياعرب
ع اللي راح منكم ..


إمتى تفوقوا ياعرب
وتصحو من نومكم

والله اللي راح دا كتير
ردو كرامتكم ..

الأمريكان واليهود
سلبوا ارادتكم ..

ولسة ياما تشوفوا
هيسودوا عيشتكم ..

طول مانتو زي الولايا
ايدكم على خدودكم

طول مانتو مختلفين
ماهيسمعوا كلامكم

طول مانتو ناسيين دينكم
لاجل دنيتكم ..

خدوا موعظةمن التاريخ
وشوفوا ماجرا لكم ..

غرناطة والأندلـــس
ماهي بعيد عنكم ..

ياحاكمين العرب
ماتحكموا ضميركم ..

كفاية ظلم وطمع
وقهر لشعوبكم ..

دا الكرسي لو بيدوم
كان دام لناس غيركم

والكدب لو بيفيد
كنا نصدقكم ..

قاعدين نغني ونرقص
وفي الحانات نسكر

ودم المسلمين
في سوريا وبورما
ع الأرض متبعتر

وفي فلسطين والعراق
لاخلوا يابس ولا أخضر

واحنا اللي نقدر عليه
نشجب ونستنكر ..

حتى نبينا الكريم
اهانوه ولاد لزعر

واحنا قلوبنا مراوح
ولسة بنتمختر ..

ياخسارة ع الشنبات
والله دا شيء يقهر

------------------------

بقلم : بهاء الدين بدوي