مدينة الاسكندرية

بقلم / ابراهيم الغنيمي

 

يا عروس البحر الأبيض _____ يا عايقة يا اسكندرية
فيكي السحر الوان _______ وفيكي العيون عسلية
يا أم الشعر الحرير ________ ياليالي جميلة صيفية
يامدينة الاسكندر الأكبر ____ يا تاريخ الأسكندرانية
مدد يا أبو العباس ____________ مدد يا كل الأوليا
كم علشانك فنان _________ غنوا ونشدوا أمسية
ياأم السيد درويش __________ يا فن وثقافة أدبية
وبيرم التونسي ما ننساه _____ تاريخ وامجاد قوية
والأنفوشي وبحري كمان _____ صيادين حرفة وغيه
يرموا الشبك علي شطك ______ قبل وبعد الفجرية
وناسك والله جدعان _____ وشهامتهم حاجه وراثية
معروفة بالدم الخفيف ______ هو انتي يا اسكندرية
جينا لك من كل مكان _____ يا ذكريات مش منسيه
علي البحر وليلك معانا___ سهران سهرة رومانسية
بيجمع كل العشاق _______ بالحب والليالي الهنية