شــر البشـر ..

شــر البشـر ..

بقلم : بهاء الدين بدوي .

-------------------

  ليه يابشـــــــــر ؟..
ليه بس شرك انتشر


...ليه ضلمة القلب الحجر
بتطفي نور شمس وقمر

...ليه كل أفعالك بقت ..
قَتَل .. سَلَب .. نهب .. غَدَر

ليه الفســـــــــــاد
في البر والبحر ظهر

ليه اليتيم من قسوتك
قلبه انقهـــــــــــــــــر ..

سنة نبينا المصطفى
لاضرار ولاضــــــــرر ..

عجبي على حكم القدر
لما الفقير جـــاع وانعصر

لما الطمــع
زاد وانتشـــــر ..

لما الغَنِي حين اغتني
طعى وبطــــر ..

لما البخـيل من حرصه
ع الدنيا انسَـعَر ..

ياخد مايعطي ..
وان يوم حايعطي
بيكون عطاه
شوك الشجر ..

وتشــوف قلـــوب
م الغــل تغلـي
تقولشـي بركان انفجــر ..

حتى الحمام .. أبو الهديـل
اللي اشتهـر ..

بَطّلْ يلاغــي .. زِعِل ياعيني
مات .. انتحــــر ..

غصن الزيتــون
وقــع إنكســــر ..

خلص الكلام ..
حاأسكت خـلاص
ومش حااقول ..

من الكلام ..
قلبي إتنحــر ..

أصل الأوالة ..
بتزيد في حلقي من المرر

ليه يابشـر ..
إسمك بَشَر .. ولاّ بِشـّر !

آآآآه يابَشـَر ..
آآآآه يابشر ..
ـــــــــــــــــــــــــ

.