عدى النهار

عدى النهار

بقلم: سيد منير عطيه

--------------------------
عدى النهار

والشمس فارده قلوعها
وليل الظلم قادر
غادر بيعمى عيونا
لسه يا بلادى صابرة
على الجرح بيألم حياتنا
امتى يعود الامان
امتى نحلم ببكرة
خلينا صامتين
خلينا خايفين
نحلم ببكرة
زمن الخوف دا مات
واليوم بنحدد مصيرنا
كل يوم إضرابات
إعتصامات بتهدد إستقرارنا
امتى ح نبنى بلادنا
يا شمس مصر اتحررى
إنهضى عدى حدودنا
لسه بنحلم بثورة
اخلاق ومبادىء
تصحح طريقنا
حريتنا مش فوضى
بتعطل انتاجنا
حريتنا مبادىء وقيم
بتغير مصيرنا
عدى النهار
ولسه خطواتنا بعيده
امتى يا ليل تصبح نهار
وتعيد أمجادنا البعيدة
بحلم بمصر مهد الحضارة
تصبح منارة
دماء جنودنا سالت
فى ارض الفيروز
نادت
انهض يا مصرى
ذرات ترابك ضاعت
فتحنا المعابر
حدودنا دابت
كفانا شهامه
جنودنا ماتت
ولسه يا بلادى صابرة
ع الجرح بيألم حياتنا
أمتى تعودى يامصر
أمتى نحلم ببكرة