صرخة فلسطين

 

صرخة فلسطين 

بقلم :  موسى عثمان
-------------------
كنت قاعد يوم لوحدي مكتئب يائس حزين

قولت افسر كلمة اسمع في حروفها صوت رنين

جبت اطلس من خزانه قريبه هنا ع اليمين

لما حصلتلي استكانه قولت ادور بلدي فين

فجأه هبت ريح نتانه من بلد طاهر سجين

قولت بلدي ايه جرالك ولا ناسك راحوا فين

فجأة صرخت آآآآآآآآآه و قالت ..... ناسي ايه .. ناسي مين

ناسي سافروا وتركوا ارضي ووهبواعرضي لبنيامين

بس دول مش كل ناسي ناسي مش بيطاطوا راسي ناسي مش ناس مذلولين

ناسي فيا عشقانين وف ترابي مدفونين

وانتا يابني جاي لمين
قولت جاي عشان اشوفك جاي عشان افسر حروفك
مانتي عشقي من سنين
قربت همست ودني انته بتفسر في اسمي
انته ف الاول عارفني اسمي ايه ولا ابقى مين
قولت والحيرة ف عيوني من ذهول الكلمتين
ايوة عارفك انتي بلدي وانتي سندي
وانتي عندي اغلى من نور العنين
عقلي قال لي يلا فسر كل حرف وكل منظر شوف هتوصل بيه لفين

قولت ايوه راح افسر بس بين نفسي وبيني قولت انا هفسر لمين

بس كان لازم افسر كل حرف وكل منظر للغلابه المطحونين

ف/ فوق جبال الشوك بنادي وانحبس صوتي الحزين

ل/ لسه بكتم في اهاتي وابن عمي مات سجين

س/ سبت كل سنيني ضاعت نفسي ارجع بس فين

ط / طب قولولي اروح لفين لما يغلبني الحنين

ي/ يعني اسكت طب وماله اسعوا صوت الانين

ن / ناس بتبكي على بن عمي وناس تغني وفرحانين

ناس بتاخد أرضي مني الحقوني يا مسلمين

كله قافل ليه عيونه وليه قلوبكوا مسنكرين

فلس خلاكوا ديابه وحط جوه قلوبكوا طين

ليه بنسكت ع اللي خاننا وليه ضميرنا منيمين

واما تحصل حاجه بيننا مفنجلين ومصحصحين

راح صلاح الدين وخلا مسلمين مستسلمين

راح زمانه خلاص وولى مين هيصلح فيكوا دين

كان كلام جوايه قولته ف كلمتين مترتبين

مش هتتحررلحالها مش هتبقى حتتين

دي هتبقى ألف حته وكل حته ليها دين

كل يوم بياخدوا حته واحنا عاملين مكفوفين

راح ضمير الأمه قالي تطلع ايه ولا انتا مين

قولت عربي ونفسي الاقي حلم بحلم بيه سنين

نفسي ادعي وناس ورايا من قلوبها تقول امين

ناس تجيب الحق لما يجور علينا الظالمين

ناس تقول للذل لأه و بالكرامه مولودين

نفسي اقول اخر الكلام
بعده يبقى سلام ختام
بعده مش هسمع طنين
مفيش سلام مع معتدين