قطار الاحزان .. شعر / طارق فوزي
قطار الاحزان
شعر / طارق فوزي
عذاب عذاب عذاب
دنيتي كلها عذاب
نفسي اضحك نفسي افرح
نفسي اروح للأحباب
حبابيبي بعيد عني
ويروح لهم قطر الافراح
والعذاب اصله مني
وهم مش بتوع جراح
ركبت قطر الافراح
مالقتش فيه ناس
راح مني الصبر راح
وجريت على قطر تاني
وقف مخصوص عشاني
اتاريه قطر الاحزان
واللي سايقه الزمان
قاللي على فين مسافر
قلتله لأحبابي
قاللي بلاش تسافر
الهم مكتوب على بابي
احبابك عندهم الفرح
وانت عندك الجرح
ابعدهم عن بعض ابعد
المسألة مش جمع وطرح
وفي اول محطة نزلت
رميت همومي واحزاني
ومن بيت العذاب عزلت
وحبيت دنيتي وزماني
هو دا العذاب اللي اصله أنا
وخلاص بقيت شباب
ومعايا الفرح والهنا
ليست هناك تعليقات