جرح الحبيب بقلم : حسام محمود
جرح الحبيب
بقلم : حسام محمود
--------------------
ارض الحبايب بور
نكرت حبوب الود
والقلب بات معذور
جرحة القديم اشتد
اهين يا جرح الحبيب
مالك بتنزف ليه
الجرح قالي خلاص
محدش بينفع حد
واللي بنيته معاه
اتاريه خيال في خيال
راح اللي بتمناه
صرحه الكبير انهد
معادش في اخلاص
في الحب زي زمان
ولا فيه احبه كمان
ولا حتي حب بجد
وادى حبيبي القلب
الي اشتريته زمان
وبعت كل الناس
عشانه هو كمان
باعنى في لحظة ضعف
من غير سؤال ولا رد
ولما جيت اساله
عن حبنا المعهود
قفل في وشي الباب
وحط مليون سد
************
ليست هناك تعليقات