آل حلواني آآآآل ..

 

آل حلواني آآآآل ..
بقلم : بهاء الدين بدوي
-----------------

قالوا اللي بنى مصر ..
كان في الأصل حلواني

لفيت شوارع مصر
مالقيتش حاجة عاجباني

شفت اللي عمره ماشفته
في أي بلد تاني

اهمال في كل مكان
واللف في شوارعها ياما وراني

دوشة وزحمة وهيصة
ومولد وصاحبه غايب
ومش ناوي يعود تاني

أكوام زبالة متكومة
في كل مكان قارفاني

سديت مناخيري وعيني
ومن الريحة آه ياني ..

رجعت جيوب أنفي
تتعبني من تاني

وبسرعة رحت البيت
وحلفت اني ماأروح
في أي مكان تاني

وساعتها بس عرفت
ان اللي بنى مصر
كان في الأصل فسخاني

لاشاف في عمره حلاوة
ولا عمره كان حلواني

-------------------------------