للأسف كان اللي كان ..

 

للأسف كان اللي كان ..
بقلم : بهاء الدين بدوي

------------------------
ياللي ملكت الروح
والقلب والوجدان
ماتيجي نرجع نغني
للحب زي زمان
فاكر ياروحي زمان..
ماكنش فيه أحزان
أيام ماكان قلبي وقلبك
عصفورين دايبين حنان ..
أيام ماكان حبي وحبك ..
في السما نورهم يبان
ولما ايدي تلمس ايديك ..
أو حتى عيني تيجي في عينيك
دقات قلوبنا تنعزف ألحان
كان بيننا حب وشوق وود
كان بيننا أسرار وحكايات ماتنحكي
وللأسف .. كان اللي كان
تعالى نسأل نفسنا ..
قبل مايفوت الأوان .
تعالى نلحق عمرنا ..
قبل ماتعدي السنين
فين راح غرامنا وحبنا
فين الأمان ..

حبيبي ايه المشكلة ؟
ليه اتخاصمنا .. ليه افترقنا
ليه سيبنا روحنا لنفسنا
ليه ننسى فرحة قلبنا
ونصاحب الأحزان ..
حبيبي سامح .. لو أنا الغلطان
وان كنت جارح .. أنا مسامح
وإنت كمان انسان
بس اللي عايزك تعرفه
الحب مش ممكن يدوب
الحب أقوى من الزمان
الحب بيداوي القلوب ..
الحب يدينا الأمان ..
الحب دا مكتوب ..
وبلاش نفكر في اللي كان
تعالى نسأل نفسنا ..
قبل مايفوت الأوان ..
تعالى نلحق عمرنا ..
قبل ماتعدي السنين ..


---------------------