** ليه ** بقلم : رضا عفيفي
** ليه **
بقلم : رضا عفيفي
----------------------
ليه بتوحشيني
وانا لسه مكلمك
ليه كل حاجه حلوه
بتغيب وتختفي في بعدك
سفرت علي جناح الأزمنه
ولفيت الدنيا سواح
أدور عليك ف عيون الصباح
أفتح كتاب السحره
والأرواح.........
يا سحرا فكري بعيونك
يا مالكه القلب بجنونك
بحور الشعرالموزون
نطقت لؤلؤ حروفك
والقلم.............
قال م بعد السكات
مين قال العمر فات
مين قال الحب ما ت
شئ جميل الحب الأخير
بيحي القلب الفقير
من المشاعر....
ومن الربيع....
يفرش ضلوعي زهور
شب عارف طريقه
بين دروب الحياه
الأمل حلو يا محلاه
ليه كل دا يحصل
وأنا نسيت الجمال
وأنا رايح للمحال
وأنا .........
ليه أحس بالحياه
وأكتب ف وصفك دواوين
شعر صافي ورزين
ليه بتحبيني
وأنا مت قبالك
ليه جتيني
ولمستيني
بروح المحبين
وبدرتي جوايا الحنين
عمري عشته غريب
والموت خلاص قريب
تقدري يا روح الحبيب
تخفي الزمن والمشيب
وتنشفي د مع العيون
وتكوني نبعي الحنون
وتجوبي سؤالي الملعون
ليه أكون كدا مسكون
بكل الحيره والظنون
ليه يا حب أصوم
ولغيري تروح وتدوم
لا أب
لا أخت
لا أم
لا صاحب
وكل يوم هموم
ليه حسيتك ومشوفتكيش
ليه حضنتك وملمستكيش
ليه فهمتيني ومفهمتكيش
ليه ليه متكونيش
ليه عوزاني أعيش
وأنا ف الدنيا مفيش
ليست هناك تعليقات