آسفه ... كنت بجد باحلم بقلم : عزة راجح
وكأنها ... تاني قالتها
وانهارده .... سمعتها
قالت : ولاد الزينه ... شينْ
وابن المَليحه ... فضيحه
ما اعرف جي منين
كانت تقول
واضحك وابوسها ف خدها
واقول يا جدَّه مستحيل
الشمس .. شكَّه ف ضيَّها ؟!
دا الشمس .. تولد نور جميل
مش ضلمه
مش أشباح وليل
ولا يوم خرج من حضنها
غير طُهْرْ كان للخير سبيل
دلوقتي بس .... فهمتها
وبعيني ... فعْلا شوفتها
وانا شايفه من ضهرك يا نيل
من بطن زينه بيتولد
تاني هابيل
شعب افتكرته بجد فارس
اتاريه طلع مسخ وهزيل
وأتاريني كنت ف ليل و باحلم
و صحيت ..
لا شُفْتْ النور .. ولا
عرفت للأحلام دليل
اعتذاراتي
سأنكس رايتي
وأدخل بإرادتي
مرحلة البيات
ليست هناك تعليقات