يا مالكا قلبى بقلمى: سيد منيرعطيه
يا مالكا قلبى
بقلمى: سيد منيرعطيه
*************
بدور فى ليلى ونهارى
جوايا دموعى بتنادى
مخنوق من بعدك وعذابك
جوايا الهمس إحساس ساكن
بينادى عبيرك وورودك
لما الليل يسكن ليلك
الفرح قريب منك دايم
والحزن بيهجر أيامى
بتاخدنى دموعى لاحضانك
ولمس ضفايرك وحنانك
وعيون بتدور على قربك
والنوم ف حضنى ووجدانى
انا بسأل نفسى ولياليه
معقوله الحب بيملكنى
وعواطفى ملك لايامك
ح تاخدنى التنهيده لحضنك
لدفىء مشاعرك وبعادك
لو بأيدى افضل قربك
واروى نفسى من حبك
انتى الحبيبه ومين قدك
ملك زمامى والامى
حضنك بيخدنى بعيد
لعالم اكبر من قربك
بتوه لما بشم رحتك
وتنام جفونى على كتفك
بهرب من نبضى ودموعى
لما الليل يسكن همى
انينى بيحكى أوجاعى
وعيونى بتسند نظراتك
من غير ما احكى واتكلم
صوتك بيوصف ألحانى
تمنيت الليل يهدى شويه
وتطول سعاته وانا بقربك
لسه السواقى مليانه
بمياه تروى ايامى
بتدور وتلف على نبضى
مهما تبعدنا الأحلام
دايما بلاقيكى فى حضنى
بقلمى/ سيد منيرعطيه
ليست هناك تعليقات