قالوا "" بقلم : مجدي سالم ""
قالوا الثورة تاهت خطاويها
قلت أنا لا
مهما اللي حصل ودار لينا
بكره نقول إحنا الأحق
نزرع جناين من الحب في كل بيت
نروي قلوب البشر بقطر الندي اللي ما صابه شئ
صافي زي اللبن
ينزل على قلوب البشر
يشق فيها شق ورا شق
يروي بذور المحبة
اللي دفنها الحقد .
قالوا الثورة تاهت خطاويها
قلت أنا لا
لما الساعه تدور بالعكس
لما قلوبنا ما تبطل همس
لما حروفنا جوانا تصرخ
لما كلامنا يخاف يخرج
لما العادلي يخرج من الحبس
نبقى نقول على ثورتنا بس
قالوا الثورة تاهت خطاويها
قلت أنا لا
طول م النور من الشق بيكبر
طول م الأرض عماله تطرح جناين ورد
متقولشي الثورة تاهت خطاويها
متقولشي لحد
إن قلوبنا دايما صافيه
إن قلوبنا دايما عافيه
تقدر تحمي كلمة حق
تقدر تقول بعلو الصوت
إحنا بحبك يا مصر أحق
إحنا بحبك يا مصر أحق
ليست هناك تعليقات