"" 5 "" ـ شعر ـ شق السكات

         

    
"" 5 ""

           شعر           
        شق السكات         
بقلم : مجدي سالم

---------------------------

 
الغربة في عنيكى من زمان معرفتهاش
والضحكة فوق شفايفك من زمان ماشفتهاش
ارمي دمعك بحجر
ينزل مطر
يغسل هموم كل البشر .

داوي جرحك
خلي قلبك فوق المداين طير ما يعرفشي الأنين
يالي كنتي في عز النهار ضحكة تملا قلوب الملايين
ياللي كنتي للبراءة سؤال
ياللي كنتي للعشق موال
أصبح حزين .

مافضلشي منك غير اسمك
مافضلشي منك غير رسمك
ارمي الهموم ورا ضهرك
مهما كان اللي محاوطك   
انا جايلك.........
فارد للريح شراعي
شاقق كل السكوت
خليكي دايما ورده
مهما تدبل مش راح تموت !