"" 2 "" الألاضيــــــــــــش!! { شعر عامي }
--------------------------
يا مصر شد حيلك
يا حبيبتي ومتخافيش
دا مهما يطول ليلك
يحميكي شعب وجيش
شدة وهنزول يا بلادي
وإنتي قدها وقدود
وترجعي بالحب تنادي
وقمرك من تاني يعود
بس إنتي شدي حيلك
يا حبيبتي ومتخافيش
قدر مكتوب خلودك
يا مصر فوق الجبين
وعلشان يفضل خلودك
نحميكي بالملايين
وبرغم غدر الزمن
ورغم كل المحن
وكل اللي باعوكي
والخونة والألاضيش
إنتي اللي باقية يا مصر
شمس ف كل عصر
تهدي السلام للكون
وتطفش الخفافيش
جوانا عزم أكيد
وقلوبنا نار وحديد
حالفين لمصر ترجع
ف توب وعهد جديد
مفيهوش بقي حرافيش
خالي من الخرابيش
ولا أتباع وفلول
ولا خونة ولا ألاضيش
بس إنتي شدي حيلك
يا مصر ومتخافيش
ـــــــــــــــــــــــــــــ
يارب يامصر يسلمك نص عامية جيد
ردحذف8 من 10
بكل تقديري
,,,
السفير ناصر 7 من 10
ردحذف