مجلة رؤية قلم / قصة الهجرة --مديح / بقلم / أحمد والي / تحياتي وفاء غريب.....

قصة الهجرة --مديح

الليلة حلوة ....الليلة دي حلوة 

ليلة هجرة نبينا هنغني غنوة 

يا طير يا طاير 

هات البشاير ...

والليلة حلوة حلوة والنبي حلوة

............ .....

خرج نبينا

الي المدينة

ومقصده ربه الكريم

معاه صديقه

وربهم بالحال عليم ....

خرجو من مكة في جنح الظلام

وشباب قريش علي بابه يدوا التمام 

.............

خرج النبي وهوة مظلوم 

ووضع التراب علي اىكفار 

وبأمر ربه أغشاهم النوم

ًدامكة دي خير البقاع

والرسول لامر الله مطاع

.....

مشي الرسول ومعاه صاحبه

في كل مكان ملايكه تصاحبه

دخل الرسول جوة الغار

رأي النبي كل الاسرار

العنكبوت غيمت 

باض الحمام ع الغار

لما أتي المصطفي هلت بنا الانوار

.................

جلس الرسول في الغار أيام

وحل النور من بعد ظلام 

....

وأبو بكر قريب منه

المشركين يبحثوا عنه

وربنا ما خيب ظنه

هوة النبي هو المختار

.....

مشي الكفار علي اقدامهم

وتتبعوا أثارهم 

وهوة ياناس قريب منهم 

وصلوا أوام الي الغار

وكلهم دول ناس اشرار

وربنا عطاهم انذار 

ونجي الرسول من مكايدهم

..............

نور الرسول أعماهم

رجعوا حياري علي غماهم 

في لمح البصر ربك نجاه

والله تجلي في علاه

طاب الرسول وطاب ممشاه

وكله مقدر ومكتوب....

.....

وفي النهار من بعد ظلام 

ربنا ظللهم بالغمام

وكل شيء علي مايرام

..... 

وصل النبي الي المدينة 

وابو بكر يردد ياهادينا

رد عليه اهل المدينة 

طلع البدر علينا

.... ....

وصل الرسول ورفع لله رايته

والظلم كانت دي نهايته

وعم النور كل الدنيا 

ونشر دين الله السمح

وجاء نصر الله والفتح

وجاء نصره ثم الفتح

.......

وليلة حلوة والنبي حلوة 

يوم هجرة المصطفي غنينا غنوة 

صلي الله علي محمد صلي الله عليه وسلم 

بقلمي 

مهندس / أحمد والي