احنا التلاميذ كلمات / شاكر صبري
احنا التلاميذ
احنا التلاميذ احنا التلاميذ احنا اجمل صورة في البروايز
احنا حياتكم احنا املكم احنا اجمل حاجة في خيالكم
احنا اجمل نسمة ف بستانكم احنا اللي نحقق احلامكم
احنا حاضركو ومستقبلكو ومعاكم رسمنا حلم لذيذ
احنا التلاميذ احنا التلاميذ
احنا اللي الحاضر قدامنا ورمينا علي المولي حبالنا
من بعد الله مصر املنا بارادة ربنا هنحقق
بعزيمة الابطال احلامنا
وهنسعد بنجاحنا العواجيز
احنا التلاميذ احنا التلاميذ
وهنصنع لبلدنا حضارة للعالم راح تبقي منارة
احنا التلاميذ احنا التلاميذ
دا احنا اللي الحب بيروينا بالحب اتغزلت امانينا
والصدق شعارنا ومنهجنا وبعرق الجد اتوضينا
احنا التلاميذ احنا التلاميذ
في ادينا العلم ومفتاحه نورنا قلوبنا بمصباحه
شايلين علي اكتافنا سلاحه هنكحل بالعلم عنينا
وننور بشعاعه وادينا
راح يطلع للفجر صباحه راح يطلع للفجر صباحه
احنا التلاميذ احنا التلاميذ
هنغني اغاني الحرية للارض المحروسة الغالية
لحبيبة الروح ام الدنيا هنمسي بقلوبنا عليها
ونكحل بحياتنا عنيها ونحلي الايام الجاية
ونكبر للراية العالية ونكبر للراية العالية
دي بلدنا الطاهرة اغلي عزيز
دي بلدنا الطاهرة اغلي عزيز
احنا التلاميذ احنا التلاميذ
ليست هناك تعليقات