وقفت شعر/وحيدعلي محمدحسين
وقفت
وقفت اشكي للبحر حالي
رد وقال مالك ومالي
يا بحر يا بحر يا بحر
انا جاي لك
واكلمك واحكي لك
عن كل اللي جرى لي
رد وقال
ومين يشكي لمين
أنا فيا اللي مكفيني
الهم بشيله دايماً
وهو دا اللي مبكيني
حتى انت كمان يا بحر
الهم ما بينك وبيني
قال شوف دموعي
ع الشط تلاقيها
مع كل موجة بتطلع
غيرها بيجري عليها
وقفت عاجز قدامه
هاشكي لمين واقول له
ما هو اللي صابني صابه
وهو مين ياناس
بيرتاح غير لحبابه
على صدرهم بيبكي
ويفضفض بكل كلامه
لكن لما تلاقيهم
راحوا من حواليك
الدنيا اللي كانت واسعة
فجأة ضاقت بيك
راحوا وسابوا لنا الوجع
والحزن قلب بالهم
ولما نيجي نبكي
دموعنا تنزل دم
على حال ما بعده حال
طريق وماشيين فيه
ده صعب أوي الترحال
زي عابر سبيل
في الحب ماله مثيل
لكن مصيبتة السودة
حواليه ناس كتير
عندها إتقان رهيب
في براعة التمثيل
لكن مسيرها تحلى
مادام ربك كبير
وبكرة أكيد أحلى
أدام بتعشق بضمير
بتحب الخير لغيرك وده أكبر دليل
شعر/وحيدعلي محمدحسين
ليست هناك تعليقات