(( زُمرة اسود )) للشاعر ~~~~~ بهاء اللبودي
زُمرة اسود
.
الله عليك يا مصرى الاصل
مش تقليد
الله عليك لما تعيد الذكرى
والحواديت
احكى يا خال قولنا
بالوصف والتحديد
ازاى وبعد الضنا
بعت المدد ربنا
بالنصر و التأييد
،،
كنا هنا زُمرة اسود
ضد العدا بالبطش
والتنكيل
اما هنا كنا النسور
فى السما
حارسين حدود ارضنا
عالية حروف نطقنا
بالحمد و التكبير
*
احكى يا خال لجل العيال
تعرف تاريخ مينا
موحد القطرين .
تفهم سلام عيسى
للأرض و البساتين
تحفظ دعاء موسى
والنعمَ أخ هارون .
"يشرح لنا صدرنا
يحلل عُقد الالسنه
بالحق ضد طاغوت"
احكى يا خال قولنا
سمعنا عيد و زيد
ازاى وبعد الضنا
يجى الفرج والعيد .
بقلم بهاء اللبودى
ليست هناك تعليقات