يا رب رجع بهية
سرقوكي يا بهية
خطفوكي تحت سلالام
امك كانت ملهية
وابوكي كان نايم
إصحا يابا إصحا يا عم
إصحا يا خال
دول عصابة بتمص الدم
وتسجن عيال
-
والعصابة ليها رئيس
حد عايز يشتريه
نفسه يتجوز عريس
يبقى حنين عليه
لما حد بيوجعه
مش بيرد عليه
نفسه حد يدلعه
معرفش يعمله ايه
-
نرجع تاني لبهية
بتشحت من كل مكان
جوه وبره هية
لابسة العار الوان
صوت الحق فيها
واقف عليه سجان
صبح مكتوب عليها
تيجي على الغلبان
-
شالوا الجنينة
وكملوها زبالة
افلام حزينة
ومليون إشتغالة
بتلهي مين عن ايه
يا عدو الرجالة
تعرف قانون احيه
وصلت ليك الرسالة
-
معرفش العيب عليك
ولا على الخوجات
بهية بين إيديك
كلها خرابات
حرام عليك يا عم
بطل بقى تفاهات
في عند اهلك دم
ماللي إختشى مات
-
عامل نفسك نبي
ولا عامل إله
والله إنك غبي
خسارة فيك الحياه
يا رب رجع بهية
إرزقها حبل نجاه
حررها م البلطجية
إرحمها يا الله
ليست هناك تعليقات
إرسال تعليق