كفر السواجي
ااااااااااااا
اه واه ياكفرنا
ياكفر السواجي
اللي فاضل منك ايه
وايه اللي باجي
ليه ولادك كلهم اتفرنجوا
وجلعوا الطواجي
ليه فاتوكي ونكروا خيرك
اللي شرج واللي باجي
فاتوا زرعك فاتوا ضلك
فين دفا حضن التلاجي
فين طاحونتك فين شادوفك
والجعاد جنب السواجي
كنا بننزل غيطانك ريحة الزرع
تنادينا ناكل الفول الحراتي
اه ياكفر السواجي
اااااااااااااا
الولاد من جهلهم هجروا
الاراضي والغيطان
نشفوا الخير اللي طالع
نشفوا حتى العيدان
حتى شجر التوت نشف
بعد ماهجروا المكان
والارض محتاجة العرج
الارض محتاجة الحنان
عايزة اللي يرويها بعزيمة
را ح فين ياناس حب زمان
ااااااااااا
يارضنا ياطيبة افرحي
وماتزعليش
ياحنينة يالينة من غيرك
انتي ازاي نعيش
ده البعد عنك عمره
ماياكلش عيش
عرج الجدود لسة راويكي
وكبروكي من مفيش
اااااااااااااااا
جبريل رضوان
ليست هناك تعليقات
إرسال تعليق