((انتى الملاك الحى ))
شكرا لإنك خليتيني أفرح
شكرا علي الأمل اللي بات يطرح
يا أحلي بنوته علي المسرح
سميت عليكي ب الصلا ع الزين
يحميكي م الحساد و شر العين
يا جميله يا حلوه يا ماليه العين
ملقيتش غير حضنك يكون مطرح
إنتي اللي ملكيش زي
إنتي الملاك الحي
إنتي الليالي الطيبه
و إنتي السنا و الضي
و إنتي اللي باقي في دنيتي
و إنتي اللي فات و الحاي
يا ضحكة شمس مبسوطه
و دقة ساعه مظبوطه
علي وقت الدعا و النور
يا عارفه المخفي و المستور
يا سكر دنيتي و الشاي
يا لحن العود يا صوت الناي
صحيح طبعي أنا نساي
لكن سيرتك مبتسيبنيش
و منستكيش ولا مره
طبعا يا ست الكل
يا أم الروايح فل
مين اللي يعشق ضحكتك
و يدوق في يوم الذل
مبروك عليا محبتك
يا زي طير في السما
طاير بعبد سارح
يا أحلي بكره في دنيتي
و يا أجمل إمبارح
ليست هناك تعليقات
إرسال تعليق