لو طلع لك قلب
لو طلع لك قلب قول له
عمرك ماحبيت حد
غرامك كدب كله
وبتهرب وقت الجد
غدر الدنيا في عينيك
وبتعرف إمتى تسيب
كله بيهون عليك
ولا ليك غالي وحبيب
صحيح انا قلي حبك
ضحيت كتير علشانك
قدرت تبعدني عنك
فضلت واقف مكانك
لو صحيح الذنب ذنبي
انا كنت عملت ايه
انا شيلتك جوه قلبي
وهان عليك ترميه
-
لو طلع لك قلب يوم
شوف هتحس إزاي
ظلمت كام مظلوم
قاسي كمان نساي
الغدر بقى طبع فيك
والخيانة عندك هواية
إاازاي انا كنت شاريك
وكانت معاك النهاية
اتفرج على الليالي
نشوف الليلة بكام
السعر مكانش غالي
كان بشوية كلام
قولته وانا صدقتك
وقدرت تخدعني بيه
بس خلاص عرفتك
وعرفت اصلك إيه
-
لو طلع لك قلب زينا
سلم لي على هواه
قوله له دا اللي حبنا
وإحنا قسينا وبيعناه
وإفتكر مين اللي هد
ومين من قلبه حب
مين اللي داس الورد
وكان معندوش قلب
هلاقي حضن غيرك
يكون بيعرف يصون
وكفايا كتر خيرك
جرحت قلب وعيون
نسان كان بيحب
وإنت لعبت بيه
لو طلع لك قلب
سلم لي عليه
ليست هناك تعليقات
إرسال تعليق