مش محتاج معاك دور بطوله
ولا افضل دايما جوا الصوره
اللي عملتو معاك بكل سهوله
اصول ومبادئ للكل معروفه
ياصاحبي الدنيا دي زي كوره
يوم معاك ويوم لك مهجوره
يوم تبقا معاك وتحرز اهداف
يوم تنساك وتدور على هداف
الدنيا يا صاحبي غدرها لفاف
لما تضحكلك لازم بردو تخاف
ورا الضحكه ياه العيش حاف
افتكر قديمك الزمن مهما طاف
مش هينسيك عمر الذل شاف
انا اللي مني صنت الود باصول
الحق على لساني مش هيزول
حفظت لك عشره خنتها بقول
خلاك تعدي ايام تحلم بالفول
انا مش بعاير ولا حاسد مغلول
انا بس مجروح بالكلام والقول
اصلها عشره ياما كان لها اسرار
دوقت فيها كتير قسوه ومرار
وكنت ليك حضن وبيت ودار
اتعلم تصون عشره الزمن دوار
انت عارف اديه كنت ف انهيار
ولولا العبد لله ستر ليك اخبار
مش محتاج انا لدور اي بطوله
والناس تبقى بيا كده مشغوله
قصدت ربي ومين غيره ستار
امتى تأمن من الزمن يا حمار
اتعلم اصول الدين وانت تنول
رضى الاله لز العمر بك يطول
اخرت الدنيا دي ايه قبر حفار
وعمل للشطار ولا نار للاشرار
ارجع الى ربك دا حليم وستار
سكت بقى يوم لسانك الثرثار
مش محتاح معاك دور لبطوله
خليك فاكر بس دي المعلومه
انت ليا انسان خواف وجبان
ماتمرش عيشي لك اوالاسرار
انت ايامك بايخه فيها الصوره
مش متحاجه تبقى ليها بطوله
ليا انا الحمد لله عدت بسهوله
الدور عليك انت عايش ف نار
مش محتاج معاك العب بطوله
ولا عايز معاك ذكرى ولا صوره
كل واحد فينا مبادئه معروفه
نفسي اشوفك في يوم شبعان
===================
مش محتاج معاك دور بطوله
خرااااااابيش
الشاعر مجدي فرحات
ليست هناك تعليقات
إرسال تعليق