لا علم لنا نقول ولا حتى نعرف فنه
نحكي كما العميان
والعمى قرف منا
ولا حتى في اللعب نصلح في ملاعبنا
قتال وهرج وصراخ
ونحلف اننا
فزنا فوزنا
في وقف الحال
زي فوزنا في معاركنا
تفنى مدن ورجال
ونقول قهرنا العدا
الأرض تتصحر ونقول
العدو هرب منا
ننتصر بصحيح بالمعنى اللي نريده
نتوقع انا نروح يبقى عويل تايه
ونقول بأعلى صوت
شوفوا الجبان سبناه
حرق الجبل والحصى
وحنا اللي قهرناه
موت منا ألوف
وما تحققت أمانيه
يتمنى عرين الأسد
والأسد ماشافه
عمي قوشان يحكي
حكي مانعلم بيه
ولا نعرف ايش معناه
نقول وضح رعاك الله
يقول بلاش خيبة
فقر وجهل وكذب وجبال من الحسرة
كل اللي بدهم نالوه
اكلوا جلاكسي وبيره
وركبوا مراكب الغدر
وبنوك تحميهم
والخاين عليه الله
والكذاب عمره ما يطل
شفتوا في يوم طبيب يوصف للمريض الجلطة؟؟
أو شفتوا عمران انبنى من غير أساس يحميه؟
هو هذا حالنا الله يجازي السبب
واللي ماقلناه أصعب
من الباقي يرحم من رحم الناس
شوفوا ايش معناها
قال الكلام ونام
قلنا له تحرك
فتح عنيه وقال : الغالي خليك فيه
واترك اللي مايستاهل
وأعرف الصحيح واحميه
فيوم راح تعوزه
هذا آخر كلام شوفوا أحوالكم
------------------------------
24/2/2014
شاكر محمد المدهون
ليست هناك تعليقات
إرسال تعليق