((ياامه حضنك وحشنى)) بقلمي // صــابر الطوخى
((ياامه حضنك وحشنى))
بقلـمى//صـابر الطـوخي
امـى ياحضــن الامـــــان
امـى يانبـــــع الحنـــان
امى ياواحه بنتدارى فيـها
مــن غـــدر الزمــــــان
رضعــتى وكبرتى
والله مقصـــرتى
لليــــل ونهـــار شقـيانه
ومعـــانا كثير إحتــارتي
ياما دلعتى وهننتى
وطبطبتى وحننتى
وف عـــز الليـــــل ياامى
سهرتى ف تعــبى وشيلتى
امى ياجنه وطرحه
امى يااجمل فـرحه
امـى ياقمــــره عــــاليه
ف سمــانا طـيره وسرحه
امى ياحضــن دافـى
امى يانبـــع صـافى
عــارف م النسمه الطـيره
انـت عليــنا بتخــــــافى
وديمن حبك لينا
هو الـدوا الشافى
امى ياوش الخير
امى ياقلب كبير
امـــى يااجمـــــــل ورده
فايحــه بأحـــلى عبـير
سهــرتى كتــير وقسيتي
وعلــى جرحــك عديتى
عشـــان خاطــر عيـــونا
لألآمك خبيتى
يامــا حضنـــك وحشـنى
وانت اللــى حسه بحـالى
وم حــد يقـدر يحوشنى
عن حضـن اغـلى الغـوالى
لبنـك لسه طعمه ف فمى
وصــوتك وانـتى بتسـمى
يااغلــى من روحــى عليا
ياحــب بيجــرى ف دمى
مـن كــان شـــايل همـي
غيرك انت ياامي
مهمـــا كـبرت ياغـــاليه
نفسـى اترمـى ف حضنك
وافضــــل بئديا حضنـك
وارجــــع صغـــير تانـي
وانام ياامــه على صـدرك
يامــو الحنـــان والجـــود
وحــب ملـــوش حـــدود
افــردى ايــدك وخدينى
اهــــرب من الموعـــــود
اللى على الجبين مكتـوب
و مفيــش منــه هــروب
حضـنك بس اللى يغــفر
ياامــي كل الذنوب
ياامي ياغنـوة حب
عنهـــا مقــــدر اتـــوب
ياامى الفـــراق حــــراق
والله لكى مشـتاق
صبح وضحـــي وغــروب
ولما بسمع اسمك
والله بتـــــوه وبـــدوب
ياأول مشافـــت عيــــني
يااطهــر واطيـب القلـوب
ليست هناك تعليقات