وحشنى حضنك يا أمى بقلـــم . محمد لبيب مصيلحى
وحشنى حضنك يا أمى وحشنى حنانك
وحشنى بجــد أسمى لما ينطقه لســانك
رغــم الزمـان اللى مـــر على عمـــــرى
لســه قلبــى مشتــاق حضنــك وأمانــك
لــو الزمـان يرجعنى وأشم أنفـــاســــك
ولا ياخــدنى من تانى واقف قـــــدامك
كنـت أبــوس أيديكــى وكمان رجليكى
وأقول يارب يخليكى ليـا واكون خدامك
نفسـى يا أمـى أضمـــك وتضمينــــــى
وأخــدك فى قلبى وأقولك يا ضى عينــى
أنـا أبنــك حبيبـــك اول فرحتـك بسنينك
طالب رضاكى عليـــا واليوم تسامحينى
****************************
ليست هناك تعليقات